Funtzionamendua

Donibane Garaziko herriko kontseilua 19 kontseilariz osatua da, zuzeneko sufragio unibertsalean hautatuak direnak sei urterentzat. 2014az geroztik, herriko kontseilariak bozketa proportzionalaren bidez hautatzen dira, zerrendatik, eta buruan heltzen den zerrendari emana den gehiengoaren prima duten bi itzuli egiten dira.

Herriko kontseilua arduratzen da herriko gaiak eztabaidatzeaz eta deliberoen bidez erabakitzeaz.

Herriko Kontseiluaren ahalmenak:

  • Herriko jabegoaren kudeantza
  • Herriko zerbitzu publikoen sortzea eta antolatzea
  • Herriko ontasunen kudeaketa
  • Herriko langileen estatutuen finkatzea
  • Hirigintza alorrean, tokiko hirigintza-dokumentuak (THP, PHAOSE…)
  • Auzapezaren eta axuanten hautatzea
  • Aitzinkontuaren bozkatzea eta zerga tasen finkatzea

Herriko kontseilua bildu behar da bederen hiruhilabetetarik behin eta honen bilkurak publikoak dira.

Auzapeza eta bere axuantak hautatuak dira zeharkako sufragio unibertsalaren bidez, hiru itzulien hauteskunde gehiengoan. Axuanten kopuruak ez du kontseilari-kopuruaren %30 gainditu behar.

Auzapezaren funtzioak:

Auzapezak funtzio bikoitza du:

  • Herriko administrazio-burua da
  • Estatuaren ordezkaria da herrian

Herriko kontseiluaren betearazteaz arduratzen da:

  • Herriko kontseiluko deliberoen preparatzea
  • Erabakien betearaztea
  • Aitzinkontuaren prestatzea eta gauzatzea
  • Herriko kontseiluak sortzen dituen lanpostuen izendatzea
  • Herriko Kontseilu-bilkuren deialdiak
  • Herriko jabegoen administrazioa, ondorioak, justiziako ordezkaritza

Berezko botereak ditu:

  • Herriko agenteen buru hierarkikoa
  • Udaltzaingoaren arduraduna. Ordena ona, segurtasuna, segurtasuna eta osasungarritasun publikoa bermatzea du.
  • Lur-okupazio baimenak ematea
  • Egoera zibileko ofiziaria